Aur kuchh bhi ho hamse, bas ek jurm-e-ishq na ho
Gunaah woh ho jo khud apni saza na ho
Har zarra farozaan hai uske hi noor se
Khurshid bhi bujh chale agar uski raza na ho
Kaee din se haal dil-e-zaar ka patla hi hai, Sifar
Ye sada jo hui kiwaar par, kahin qaza na ho
Jab tum bichhad chuke, to bahaar ko bhi rok lo
Ghazal-khwaan gulistan na ho, mushkbu faza na ho
Shahr-e-husn-e-beparwah ka insaaf kya kahiye
Qatl bhi ho, qaatil bhi ho, magar janaaza na ho
Jashn-e-marg-e-Sifar hai saqi, khaatir kuchh khaas ho
Koi rind hosh mein na rahe, koi be-maza na ho
February 11, 2011
Raat
Phir kati raat haathon mein khaali jaam liye
Dil mein mauhoom kuchh yaadein, labon pe bhule hue naam liye
Dil mein mauhoom kuchh yaadein, labon pe bhule hue naam liye
Raat
Phir kati raat haathon mein khaali jaam liye
Dil mein mauhoom kuchh yaadein, labon pe bhule hue naam liye
Dil mein mauhoom kuchh yaadein, labon pe bhule hue naam liye
Gulshan-e-yaad
Aao, phir ek baar gulshan-e-yaad ki sair karen tum-ham
Liye haathon mein haath phir chalen do-chaar kadam
Jodkar nigaahon se nigaahen baithen muqaabil kuchh dam
Ye woh gulshan hai jisme khizaan aati hi nahin
Chhod kar jisey khushboo-e-naseem-e-sahar jaati hi nahin
Na murjhaate hain phool, na hi zard patte jhada karte hain
Na hota hai ishq rusva, na ushaak-o-but bichhadte hain
Yahaan doobe hue dilon ki sada aati hi nahin
Maana ke ye sirf ek khwaab hai, magar haseen toh hai
Go apni kismet pe nahin, apne khwaabon pe yaqeen toh hai
Toh aao, phir is chaman-e-khwaab ko chalen ham
Door zamaane ki nazron se gale milen ham
Liye haathon mein haath phir chalen do-chaar kadam
Jodkar nigaahon se nigaahen baithen muqaabil kuchh dam
Ye woh gulshan hai jisme khizaan aati hi nahin
Chhod kar jisey khushboo-e-naseem-e-sahar jaati hi nahin
Na murjhaate hain phool, na hi zard patte jhada karte hain
Na hota hai ishq rusva, na ushaak-o-but bichhadte hain
Yahaan doobe hue dilon ki sada aati hi nahin
Maana ke ye sirf ek khwaab hai, magar haseen toh hai
Go apni kismet pe nahin, apne khwaabon pe yaqeen toh hai
Toh aao, phir is chaman-e-khwaab ko chalen ham
Door zamaane ki nazron se gale milen ham
November 25, 2010
Yaadein
Aankhen moondta hoon
Toh kaale parde par
Bichhde hue chahre damakte hain
Jaise raat bhar
Aasmaan ki siyah chaadar par
Mare hue tare chamakte hain
Toh kaale parde par
Bichhde hue chahre damakte hain
Jaise raat bhar
Aasmaan ki siyah chaadar par
Mare hue tare chamakte hain
Kahaan Jaayein?
Lekar dil-e-khasta-o-deeda-e-nam kahaan jaayein?
Mar chuki tadap-tadap kar shab-e-gham, kahaan jaayein?
Ek muddat se tere sitam rakhe hain sar-aankhon par
Chal diya tu toh daal kar khu-e-sitam, ham kahaan jaayein?
Dillagi karne ko toh hain log bahut duniya mein, Sifar
Chaaragari-e-dil ko milte hain magar kam, kahaan jaayein?
Haan, ukta chuke hain ham bhi is tanz-o-kanaaya se
Magar hai yehi shaihr-e-husn ki rasam, kahaan jaayein?
Junoon-e-ishq mein chhod di duniya hamne
Ab chhod kar teri gali, bata ae sanam, kahaan jaayein?
Yun toh dekha hai ek bheed ko masjid mein jaate hue
Rakhte hain khuda se kuchh aur ta’aluk ham, kahaan jaayein?
Mar chuki tadap-tadap kar shab-e-gham, kahaan jaayein?
Ek muddat se tere sitam rakhe hain sar-aankhon par
Chal diya tu toh daal kar khu-e-sitam, ham kahaan jaayein?
Dillagi karne ko toh hain log bahut duniya mein, Sifar
Chaaragari-e-dil ko milte hain magar kam, kahaan jaayein?
Haan, ukta chuke hain ham bhi is tanz-o-kanaaya se
Magar hai yehi shaihr-e-husn ki rasam, kahaan jaayein?
Junoon-e-ishq mein chhod di duniya hamne
Ab chhod kar teri gali, bata ae sanam, kahaan jaayein?
Yun toh dekha hai ek bheed ko masjid mein jaate hue
Rakhte hain khuda se kuchh aur ta’aluk ham, kahaan jaayein?
Gulshan-e-yaad
Aao, phir ek baar gulshan-e-yaad ki sair karen tum-ham
Liye haathon mein haath phir chalen do-chaar kadam
Jodkar nigaahon se nigaahen baithen muqaabil kuchh dam
Ye woh gulshan hai jisme khizaan aati hi nahin
Chhod kar jisey khushboo-e-naseem-e-sahar jaati hi nahin
Na murjhaate hain phool, na hi zard patte jhada karte hain
Na hota hai ishq rusva, na ushaak-o-but bichhadte hain
Yahaan doobe hue dilon ki sada aati hi nahin
Maana ke ye sirf ek khwaab hai, magar haseen toh hai
Go apni kismet pe nahin, apne khwaabon pe yaqeen toh hai
Toh aao, phir is chaman-e-khwaab ko chalen ham
Door zamaane ki nazron se gale milen ham
Liye haathon mein haath phir chalen do-chaar kadam
Jodkar nigaahon se nigaahen baithen muqaabil kuchh dam
Ye woh gulshan hai jisme khizaan aati hi nahin
Chhod kar jisey khushboo-e-naseem-e-sahar jaati hi nahin
Na murjhaate hain phool, na hi zard patte jhada karte hain
Na hota hai ishq rusva, na ushaak-o-but bichhadte hain
Yahaan doobe hue dilon ki sada aati hi nahin
Maana ke ye sirf ek khwaab hai, magar haseen toh hai
Go apni kismet pe nahin, apne khwaabon pe yaqeen toh hai
Toh aao, phir is chaman-e-khwaab ko chalen ham
Door zamaane ki nazron se gale milen ham
Raat
Phir kati raat haathon mein khaali jaam liye
Dil mein mauhoom kuchh yaadein, labon pe bhule hue naam liye
Dil mein mauhoom kuchh yaadein, labon pe bhule hue naam liye
Subscribe to:
Posts (Atom)