March 30, 2010

Woh Kya Hua?

Pichhle zamaane mein tha jo majnoon, woh kya hua?
Tha jo vaada-e-nibah-o-josh-e-junoon, woh kya hua?

Hai dushman ke haath gar khanjar, toh kya hua?
Tha jo in ragon mein daudtaa khoon, woh kya hua?

Tha ik pari-chehra qaatil, jis par main mara karta tha
Bin us ke kaise jiyoon – woh kya hua?

Hazaaron umeedein lekar gaya tha dar pe unke
Hashr-e-dil-e-naadaan lekin kya kahoon, woh kya hua?

Yun toh gham-e-zindagi se tanha hi nipat lun, lekin
Woh jo kahta tha, main saath hoon, woh kya hua?

Zamaane waale toh Sifar, aksar hi suna karte hain
Qissa apni deewaangi ka main bhi toh sunoon, woh kya hua?

March 29, 2010

Waqt Ki Chaal

Dhal jaayega yeh roop
Udh jaayega yeh rang
Milen hain log kayee magar
Koi na jaayega sangh

Achhaa Hai

Poochhe koi hum se ke maqsad-e-zindagi kya hai
To itna hi kahenge, ke sawaal achhaa hai

Aage kya khel dikhayegi yeh umr kya jaaniye
Haal ka to yeh hai, ke filhaal achhaa hai

Woh gar hue bhi ru-ba-ru, toh raqib ko liye hue
Kaise kahoon shab-e-hijr se, roz-e-wisaal achhaa hai

Kyonkar ho phir chaah Sifar mehfil-e-jannat ki
Kahte hain husn-e-hoor se, unka jamaal achhaa hai

The King’s Loan

And when one day the King comes back
To reclaim his loan
What does it mean:
What you have achieved, what you own?

March 28, 2010

Ho Jaaye

Shaayad yoon hi shab-e-hijr ki guzar ho jaaye,
Shama-e-dil ke jalte-jalte sahar ho jaaye.

Kya gham jo jeete-jee ham pe unki nigah na padhi,
Kya kam ke meri khaak par inaayat ki nazar ho jaaye.

Naale to mere kabhi anjaam ko na pahunche,
Dekhun kahin chuppi-e-mawt ka asar ho jaaye.

Bazm mein meri kisi shab, woh khud-ba-khud chale aayen,
Ho na sakega yeh ejaaz, magar ho jaaye!

Too Near, Too Far

One we could not become,
Strangers we could not remain.
If one or the other had been,
Why would there be this pain?

Waiting in tremulous hope,
Hoping in vain:
For the lover, is that
All that will remain?

March 27, 2010

Chale Gaye

Ab na qulqul-e-mai rahi, na hi charaagh mein lau rahi
Raha ab to halqa-e-gham raha, sab hareef-o-yaar chale gaye

Woh jo karte the humse waada, ke na bichhdenge kabhi,
Na jaane kya gila liye, falak ke paar chale gaye

Suna tha kal bazaar mein, ke unki bazm mein shab-e-yaar hai
Magar ye kya, ke bin bulaaye hum, udhar ko yaar chale gaye

Hue jo chithhde junoon-e-ishq mein, woh hi hamaari shaan the
Ab kya kahen Sifar, kis tarah, woh bhi taar-taar chale gaye

Musaafir

Kahin door se aaya hoon,
Badhi door abhi jaana hai,
Yeh mehfil-e-insaan to
Do din ka thikana hai

When Night Falls

When night falls,
Where do you go?
When the Mother calls,
What do you hear?
When all is done,
What do you fear?

It is better, then,
To give up all
And embrace the One!

The Unheard Flow

Time does not wear anklets on her feet;
Silent she comes, silent goes,
Like a thief, on her toes:
Never, ever missing a beat.