Sab Siyah Hai

Sab siyah hai
Andar awr har su
Phir ye rawshni kya?

Jo yak-ba-yak
Aankhon ko andhiya jaati hai

Band-o-ruki-o-sadi hui
Ruh ki bu
Naak mein dam

Magar ye door kahin
Se aati hui khushboo si kya?
Jo khule dareechon se ghus kar
Dil-o-dimaagh par chhaa jaati hai

Har usool bik chuka
Har jhoot dauhraaya ja chuka
Phir ye aaeena kya?
Jo har jhoot se pare hai

Ye sargarm daud siyahi ki taraf
Hosh-o-hawaas ghadi-bhar ke mehmaan
Phir ye bharosa kaisa?
Hamesha mein

Kuchh aisi hai ma ka aangan
Go tum bhool chuke ho
Apne ghar ko

Usney tumhein nahin chhoda
Usney tumhein nahin chhoda