kal shab shaqs koi ajnabi sa dar par dikha
maine kaha tu kaun hai, usne kaha aaeena dikha
bekhudi kuchh aisi thi yaaron, behijaab jab woh hue
ab bhi sochta hoon main, kya dikha, kya na dikha?
rasm-e-shahr-e-husn se waaqif nahin kya tu Sifar?
naqaab kar dardon pe apne, daagh-e-dil yun na dikha
kahin bedard se dil mile, kahin beshakl chehre dikhe
gardish-e-ayyaam mein manzar kya-kya na dikha
bhoole se but-khaane ik roz chale gaye ham Sifar
udhar deeda-e-jaana dikhi, idhar chhalli seena dikha
No comments:
Post a Comment