kuchh kaha chaahta hai dil, aaj phir
kambakht harf nahin milte magar, aaj phir
yaad ho gar tumhe woh waada-e-nibaah
toh aao dauhraayen usey, aaj phir
bheek mein mili hui rawshni saari
luta chala faqir mahtaab, aaj phir
zindagi kya kam gham rakhti hai?
kyon chheda raag-e-ishq, aaj phir?
ghadi bhar ko dekha unhe, aaj phir
kho baithe tamkeen-o-hosh, aaj phir
muddat hui ke bichhde ham-tum
kyon-kar ye gile-shikwe, aaj phir?
phata falak ka seenaa, aaj phir
hui baarish-e-ashk, aaj phir
kyun chala tu ku-e-yaar ko Sifar?
aayi ka tamanna-e-marg, aaj phir?
No comments:
Post a Comment