Kya rang dikhaayega abke mehrbaan kaun jaane?
Kya hoga hashr-e-dil-e-naatawaan kaun jaane?
Charche bahut hain lutf-o-kaif-e-jannat ke magar
Kya khulegi asliyat wahaan kaun jaane?
Har sar jhuka hua hai bhaar-e-khudgarzi se
Chaara-e-dard-e-ghair yahaan kaun jaane?
Dil ko raakh karne ki adaa mein maahir bahut hain lekin
Jaayega kis taraf yeh dhuaan kaun jaane?
Bichhde hain neem-roz ki raushni mein jo saaye
Milenge raat ki siyaahi mein kahaan kaun jaane?
Yeh duniya toh ranj-o-gham ka basera hai, Sifar
Kya hoga is se aage ko jahaan kaun jaane?
No comments:
Post a Comment