kabhi us mehfil-e-rang-o-bu mein main bhi tha
kabhi us pari-chehra se ru-ba-ru main bhi tha
ab na koi chaah hai, na umeed, na justaju hai koi
magar yeh sach hai ke pur-aarzoo kabhi main bhi tha
kya gila jo kal shab raqib bazm-e-yaar ko gaya?
suna hai unki guftagu mein kahin main bhi tha
ek muddat se weeraaniyon mein guzar karta hoon
kabhi duniya ki haa-o-hoo mein main bhi tha
ab toh bas raakh ka ek dher sa dikhai deta hai, Sifar
liye kabhi jaan-o-armaan-o-saans-o-lahu main bhi tha
No comments:
Post a Comment